影片
更多
2023-06-30
1002 瀏覽
想叫外賣Pizza🍕但又唔想叫連鎖薄餅屋?🦭直接一句：「慈雲山無人唔識佢」。今次肥豹試左🦭1. 12寸蒜蓉芝士薄脆唔好睇佢冇乜料咁，但佢個餅皮絕對出色。相比起一般薄餅，呢個薄脆更加煙韌👍夾埋啲cream cheese同蒜蓉，creamy 得黎又煙韌🦭肥豹次次都會叫架。2. 千島吞拿魚批(迷你批)以迷你批黎講，夠一個人填飽肚架啦。正如上面所講，個餅同料就相對普通。不過咁講，雖然相對普通，但CP值比起一般連鎖餅鋪算高架啦🦭。建議試下其他味既Pizza🍕呢個就算了。3. 墨西哥風味薯條拼雞翼墨西哥風味薯條做外賣最大既問題就係薯條好易焗住太耐而腍曬。當然呢間都唔例外，不過佢好就好在醬既量都算多，基本上每條薯條都可以沾到。至於雞翼，其實調味做得幾好，不過又係外賣既問題，令到個炸皮腍左，建議要食既話食炸雞會較好。4. 肉醬意粉呢個真係唔得🫠肉醬太稀，基本上意粉係掛唔起啲汁。另外意粉亦都煮得唔岩時間，意粉有啲發脹，真係差啲差啲。豹言豹語：慈雲山不論學生哥定一家大細其實都會選擇佢，因Pizza既味道同價錢都真係幾入屋。不過要留意既係，佢啲Pizza即叫即整，所以大家買個陣要預時間。
🦭直接一句：「慈雲山無人唔識佢」。
今次肥豹試左🦭
1. 12寸蒜蓉芝士薄脆
唔好睇佢冇乜料咁，但佢個餅皮絕對出色。相比起一般薄餅，呢個薄脆更加煙韌👍夾埋啲cream cheese同蒜蓉，creamy 得黎又煙韌🦭肥豹次次都會叫架。
2. 千島吞拿魚批(迷你批)
以迷你批黎講，夠一個人填飽肚架啦。正如上面所講，個餅同料就相對普通。不過咁講，雖然相對普通，但CP值比起一般連鎖餅鋪算高架啦🦭。建議試下其他味既Pizza🍕呢個就算了。
3. 墨西哥風味薯條拼雞翼
墨西哥風味薯條做外賣最大既問題就係薯條好易焗住太耐而腍曬。當然呢間都唔例外，不過佢好就好在醬既量都算多，基本上每條薯條都可以沾到。至於雞翼，其實調味做得幾好，不過又係外賣既問題，令到個炸皮腍左，建議要食既話食炸雞會較好。
4. 肉醬意粉
呢個真係唔得🫠肉醬太稀，基本上意粉係掛唔起啲汁。另外意粉亦都煮得唔岩時間，意粉有啲發脹，真係差啲差啲。
豹言豹語：
慈雲山不論學生哥定一家大細其實都會選擇佢，因Pizza既味道同價錢都真係幾入屋。不過要留意既係，佢啲Pizza即叫即整，所以大家買個陣要預時間。
張貼
