Forever 友緣西餐 (已結業)

經過門口見間餐廳裝修幾靚就入去食。甘我地入左間餐廳，有位員工就過黎問我地請問你地幾多位？有冇訂枱？甘我地就話2位冇訂台。之後個員工走左，過多幾秒到另一位員工又問請問幾多位？有冇訂位？，之後答翻相同嘅答案。總共有4位員工輪流問左我地一樣問題，其實你地員工方面係咪冇交流？要遂個走過黎問，問完之後走左去吾係即時幫我地跟進。我地食完野啦之後叫左個甜品，等左10分鐘有位員工行過黎就話個甜品賣哂有冇考慮想轉其他甜品。吓，乜賣哂吾係即時知道要等甘耐先話賣哂。之後我地前後吹左三次杯凍檸茶仲未到，等到有位員工收哂我地所有餐具，都繼續等。之後有位員工每次經過我地張枱都睥住，睥左勁多次。其實杯凍檸茶吾難沖姐，拎個杯倒啲茶加兩至三塊檸檬，糖水又吾洗你落，都吾明點解甘耐。我地足足等左三個止，個位員工睥實我地，勁黑人憎囉。 我知道你地想我地走，不過我地真係好想飲杯凍檸茶姐。最後放棄埋單走。