YOLO Cafe & Bar (已結業)

早排係網上見到呢間野 諗住同女朋友黎試下 點知中哂伏 入到去啲職員態度都唔太友善 串串貢咁 見到個menu都無乜興趣 不過見一場黎到 照試下啦 主食選擇唔多 扒類完全無 全部都係簡單意粉同飯 價錢都偏貴 所以最尾叫左個二人餐 叫做抵食少少 沙律正常 個湯幾香但好咸個意粉無味 仲有蛋殼😂 意大利飯個味還可以 但係太少珍珠貝 齋食飯咁雞翼質素好一般 感覺係雪左勁耐食落有啲霉咁 係得個汁叫做好啲個Yuzu honey就勁淡 似飲緊水咁…食食下期間唔小心倒瀉左水 但無人理過我地 啲職員圍埋係到嘻嘻哈哈 仲要可以自己開左枱黎食水煙 心諗雖然無乜客姐 但起碼都有番少少尊重同態度去對啲客呀 仲有想講既係 可唔可以分番吸煙區同非吸煙區呢 隔離枱啲水煙成日攻埋黎 想食餐安樂茶飯都唔得 唔報控煙辦都偷笑 最尾仲要收我加一 邊到黎既自信同服務…裝修就各花入各眼啦 係大廳個燈牌感覺好老套😂(純粹個人意見) 同埋cafe黎講無風格 唔知想行咩路線 打卡位亦唔多 感覺似酒吧多過cafe餐廳