影片
更多
2010-02-21
12 瀏覽
呢間野真係不可一不可再黎得cafe都係想一大班人開開心心玩下game點知o個個應該係老闆娘既女人d態度衰到爆我地成10幾20人坐個長卡位....到9點話要將後面比番張枱佢做生意同d朋友玩緊game,8點50分個女人走埋黎話要拎番張枱,同佢講要玩埋呢round先佢答好,點知即刻帶個客入黎!!!之後有朋友唔小心倒瀉左飲品個女人先黑面,之後用d勁差既態度喝我朋友話佢唔行出黎點抺大佬....做客務性行業態度咁差咁唔想做不如摺左佢....後來我地影合照,都廢事煩佢地,自己就位自拍,個女人將切左既birthday cake拎過黎無啦啦勁惡咁話"你地咁樣想點呀!"我地呆晒囉...原來佢話我地枱面有一面玩Pictionary,另一面玩card game(自帶)佢無位放蛋糕!!!真係火都黎呀!!點放cake係佢自己執枱面安排咁都要將個責任比個客!!問佢可唔可以幫我地拎相機佢話可以,不過佢要放低晒d野先跟住無番過黎......之後就不停催我地走....話我地only到9點半...之後有人book左....我地cake都未食完到我地成班人起身執野走個女人又慌一死我地慢d會死咁話"你地出咁d人比後面d 人走啦
黎得cafe都係想一大班人開開心心玩下game
點知o個個應該係老闆娘既女人d態度衰到爆
我地成10幾20人坐個長卡位....到9點話要將後面比番張枱佢做生意
同d朋友玩緊game,8點50分個女人走埋黎話要拎番張枱,同佢講要玩埋呢round先
佢答好,點知即刻帶個客入黎!!!
之後有朋友唔小心倒瀉左飲品
個女人先黑面,之後用d勁差既態度喝我朋友話佢唔行出黎點抺
大佬....做客務性行業態度咁差咁唔想做不如摺左佢....
後來我地影合照,都廢事煩佢地,自己就位自拍,
個女人將切左既birthday cake拎過黎
無啦啦勁惡咁話"你地咁樣想點呀!"
我地呆晒囉...原來佢話我地枱面有一面玩Pictionary,另一面玩card game(自帶)
佢無位放蛋糕!!!真係火都黎呀!!
點放cake係佢自己執枱面安排
咁都要將個責任比個客!!
問佢可唔可以幫我地拎相機
佢話可以,不過佢要放低晒d野先
跟住無番過黎......
之後就不停催我地走....話我地only到9點半...
之後有人book左....我地cake都未食完
到我地成班人起身執野走
個女人又慌一死我地慢d會死咁話"你地出咁d人比後面d 人走啦"
唔係走都要清場咁,我地成班人都起晒身拎緊野,仲要催
我地夠鍾係一個問題,但佢催人既態度一d都唔友善
好似我地對佢唔住咁....你要做生意係無錯
都唔駛擺出一副我地阻住你地既態度
咁我一定唔會心甘情願交場比你
收費又唔係平,野又唔係特別好食,態度又差
你地唔駛指意有人再幫襯
張貼