華記永昌號

營業中

休息中

幫襯左廿幾年，今日去買左12隻大閘蟹，自己食實惠啲使左720蚊，阿媽習慣自己揀，個店員姐姐開頭態度ok，俾我地發現有隻死蟹之後開始唔老黎，到俾錢啦，要多支蟹醋都唔俾話要加十蚊，大佬你支野100ml左右收十蚊？講左一輪肯俾多支，之後就串串貢話我地揀蟹時摷到亂晒，阿媽即時問佢咩態度，之後個男店員加入戰場，態度囂張話「大家都有問題」趕人走，本人喺呢個時候都忍唔住出聲，之後一個阿伯店員又加入，唔知頭唔知路話我地錯。雖然多次聽講佢地價錢貴態度差，但住附近幫襯左咁多年費事搵第二間，點知今次就領左野。一句講晒「冇下次」。