大埔東江雞酒家 (已結業)

昨晚有朋友專乘入大埔搵食，話之前行過大埔墟見到東江雞想入去食下，咪入去囉！時間不算早不算晏，大概晚上七點。一入去見到全部細枱已經有人坐，淨返全部大枱吉嘅。但我們只是兩人，坐大枱不好，仲考慮到費事阻人，咪好聲好氣問仲有冇細枱？幾個阿叔侍應已經猛喝我們是但搭枱咪得囉！係得⋯⋯但我們唔太想，再禮貌地問介唔介意我們兩人坐大枱？阿叔侍應再喝：搭枱囉！！！。佢咁喝我們咪走囉寧願去另一度坐得舒服d食。我們又冇坐低過、冇開過位、水都冇飲一滴，走時仲同阿叔講唔該哂。但那幾個阿叔侍應追住我們鬧：「唔搭枱就返屋企煮啦巴閉！！！」嘩阿叔們，唔幫襯啫用不著咁惡！？你堅持要顧客搭枱，但顧客有權唔幫襯你啩！？