點點心點心專門店 (已結業)

話說今日專登幫襯…朝早11:30到…同收银個男人（疑似經理）講2位…佢同個疑似商場女職員係咁講野就叫我等陣…其實我見門口有張２人枱…但我見我前面有２個著工程服的男人就諗住佢地都係等緊…點知當個疑似商場女職員走的時候…２位工程服男人同時離開…男收銀安排我坐之前我見的吉位…雖然我只係等左10分鐘…但明明有位都要個超大個肚的孕婦等就唔係咁好啦…但一心專程找係沙田工作的媽媽食lunch...算…到俾＄即辣慶我…total $152, 我俾左500然後即刻同佢講等等…再俾50…諗住俾多2蚊可以齊頭找400…佢串串供咁話我攪亂佢條數…已經火火地…見有2蚊但當中有神沙就算…即係total俾550…佢仲串到再補多句話攪咁多咪又係打散曬…即刻火起…為保持形象只係問佢一句咩態度就走？！ok！有咁嘅員工老闆要喊！唔會再幫襯