譚仔三哥米線 (338 Apartment)

營業中

休息中

食得都唔期望咩好招呼，基本禮貌都有掛！一入去自動自覺，安心針咭自已攪掂。坐底揮哂手都冇人理，到個肥亞姐同前兩張枱落完凍飲，叫佢過嚟寫埋，佢話要轉頭先！？得果兩步路都唔行？咁我望住佢睇吓咩咁忙啦，佢就行咗入廚房。果時已經想走。跟住有個推外賣單出完去嘅亞姐返入嚟。咁算，落咗單。咁我就望住個廚房位等食。個肥亞姐又走返出嚟包外賣，又話轉頭嚟落單？佢繼續包，我繼續望等食，佢走埋嚟問我：你望咩？嘩？要落單果時又唔見你即刻行過嚟喎？！一路食發覺原來肥亞姐淨係企係出菜位做包外賣，其他員工做佢跟班行出行入接佢啲外賣包。如果係經理唔做落單，咁叫其他嚟落囉！食譚仔咁耐都唔知有個咁嘅特殊職位！咁唔鐘意就咪做啦！