神戶食堂 空姐牛肉飯 (已結業)

本身聽人介紹先走嚟試下，點知試到人生一大伏。。。講真由細到大食咗咁多碗牛肉飯，由普通家庭式街舖，到吉乜乜連鎖店、加乜乜連鎖店，都食過哂，都從未食過一碗咁難食嘅牛肉飯。首先啲飯煮到好爛，又畀得少牛肉汁，碗嘢爛得嚟又冇味，真係好辛苦先哽得哂成碗飯。加上個阿姐啲服務態度又差，企喺度諗一諗食乜都催三催四，都唔知係咪前世得罪佢，心諗成個西九food court又唔係得你一間舖頭，周邊明明仲有咁多競爭，都唔諗下點改善，呢間嘢再唔改善下，真係等執啦！