川味美食

營業中

休息中

一入去明明有其他枱無客放甘多野係椅上既枱可以搭，職員係要安排我坐係一個左右都有好多野放左係我搭枱既位度，我建議坐另一張佢又唔制，結果要左右兩枱客都搬開d野。坐低後職員就企係附近想等幫我落單，我見佢仲企係度但我又未揀好就諗住同佢講轉頭先叫佢，點知佢姨姨唵唵話我甘耐都未落得單。好，落左單我張枱另外既人就已經起身埋單走，突然問我幾個人，我話一人，佢就叫我調第二張枱要比呢張枱另外4人既客。好，甘就調左我一開頭建議既圓枱位。甘我就叫左碗豬軟骨手工拉麵（加酸辣）。豬軟骨煮到應該叫豬硬骨，湯無味，得酸菜既味，完全無所謂既豬骨濃湯味，叫中辣但係一丁點辣味都無。凍奶茶尚可入口。其間有個客打電話來話可能跌左介子係店內，問職員可否幫手搵下有無，佢話好忙唔得閒叫佢自己來搵。但係其實已經無乜客，收線後個職員話：可以禁陣電話啦。