鴻星中菜 (羅氏商業廣場) (已結業)

一家人過黎飲茶，其實侍應態度好差，後尾對單發現漏左芒果布甸冇黎到，叫職員拎辣椒油，兩次都無理我。炸雲呑唔係間間酒樓都有，個酸汁好好味。和牛炒飯炒得好乾身，好味。春卷正常，新鮮炸起。蟹粉小籠包，好大隻，好多湯汁爆出黎。擂沙湯丸又係好耐無食過，好懷舊經典，個皮幾好，好中意黃豆粉。蓮蓉西米布甸，少甜，蓮蓉好香，都係新鮮焗起。臘腸卷細細條，唔會太飽太膩，都係懷舊食品。咸水角炸得有d硬。叉燒酥太大件，搞到焗得唔好脆。點心第一次出嚟爛爛蓉蓉，後尾換第二籠出黎先好d。沙拉蝦，隻蝦都好食既。