聘珍樓

營業中

休息中

周末約咗屋企人一齊飲茶提早慶祝母親節，早咗成個幾禮拜book枱，要book 兩張檯一齊坐。屋企人一早到咗，話要等，佢哋話ok, 我哋到咗問佢，佢就話係要等㗎啦，其實我哋都唔知咩事，話Ok, 整整吓佢就話嘟埋個安心出行就入得，入到去點知佢俾咗兩張大斜角既枱，我哋問有冇啲平排嘅枱， 佢就話冇，仲講人人都係咁㗎啦。咁OK啦我哋就坐低咗。點知我出去洗手間見到有四張吉枱可以平排咁坐， 咁我就問部長可唔可以調過去，個部長話唔得㗎，有個客一定坐其中一張枱，咁我就問佢咁另外果兩張呢？佢話唔得啦，人哋訂咗。咁我就話其實我哋都係一個幾禮拜前訂咗嘅，佢話依家真係冇位啦，陣間有位我再幫你安排啦。最後當然就係不了了之⋯⋯如果想一家人開開心心去食餐飯， 呢間野真係唔係一個好選擇，食物又貴，質素一般，呢個價錢可以係出面搵到更多更好嘅選擇。