新澳咖啡餐室 (民泰街) (已結業)

之前幫襯過，覺得唔錯，但今次真係好唔得！今日同朋友一家幫襯，個小朋友對其裝飾（街道擺設）好有興趣，可惜不是坐卡位。之後在落單後不到20秒見有卡位，要求調位，著橙衣職員表示可以，仲諗住幫我地改單同執位，之後就有個便服人走埋話唔得（當時仲有4張吉枱，有客入一定有位，只影響左要改單），咁算，諗住去抱返個小朋友返黎時又有個職員問有咩幫到我地，我講都未講，個便服男就走黎大大聲講”唔好以為佢高級過我“。。。😑😑😑成餐飯比呢個自認好高級嘅便服男搞到㷫晒😤😤我見之前已經有人提過便服男態度差，唔知係咪同一人，但作為管理層見到嘅麻煩提提唔洗著制服嘅唔係代表可以大大聲鬧人，如果佢係高級過著制服嘅職員，我覺得佢地識做生意過啲所謂高層囉～啲態度咁趕客，啲嘢食好味到攞獎都無用，我地去食嘢，唔係去受氣咯。。。新澳腦細，唔該好好教導下果個唔使著制服既最高領導人。