金城茶餐廳

營業中

休息中

其實我算係佢哋嘅忠實擁躉，食咗十幾年，食物方面我係好欣賞，但係佢哋舖頭嘅服務態度實在不敢恭維。入到去坐低咗喺卡位度就即時叫我去中間圓枱同人搭枱，咁都冇問題，入得嚟都預咗。之後見到門口有個單身男人喺門口想入嚟，女侍應就指示佢去一邊嘅單人座位搭枱，該食客望一望之後就掉頭走。其實咁樣都冇問題。畢竟大家都有權選擇。問題在於個食客走咗之後女侍應同老闆不停一唱一和話人哋唔入嚟食，好似好巴閉咁，來回交換十句八句，其他食客例如我聽在耳裏，真係十級唔自在。今次食完之後，我都同我太太講，短期之內我一定唔會再返嚟食。