影片
更多
2024-01-13
293 瀏覽
係呢間餐廳食完晚餐，找數嘅時候出現咗以下嘅情景:我：正想用八達通俾錢職員正在同前一個顧客對話：八達通壞咗，你要俾現金或者Alipay前一個顧客：我唔夠現金我：咁你有冇PayMe？不如我比現金你，你PayMe返俾我————————————-到我：咁我用Alipay啦職員：用部機scan咗我Alipay嘅QR code我：Alipay透過手機確認已過數 職員：交易失敗喎，你俾現金啦我：但係電話訊息係成功交易咗個喎！職員：我依部機係冇就係過唔到㗎啦。嗱，我void多次俾你睇。我：冇辦法，信佢所以用現金找咗數———————————-我：出門口行咗幾步，再收到匯豐電郵通知成功轉賬。行返轉頭問返個職員。職員：我部機話冇就係冇㗎啦，而家咁夜(7:53pm)都幫你check唔到。如果你有問題你自己問返匯豐。我：見到佢部機對上幾個客全部都係收咗Alipay,再void單，有感覺被騙！有啲唔忿氣直接打去匯豐，開咗speaker問。匯豐同呢位職員講，已經成功過數，一般嚟講，係食店自己處理返。唔關個客事，資料顯示係已成功過數。職員：唔理匯豐點講，我哋公司係唔會咁做嘅，如果明早對數發現多咗先至會俾返個
我：正想用八達通俾錢
職員正在同前一個顧客對話：八達通壞咗，你要俾現金或者Alipay
前一個顧客：我唔夠現金
我：咁你有冇PayMe？不如我比現金你，你PayMe返俾我
————————————-
到我：咁我用Alipay啦
職員：用部機scan咗我Alipay嘅QR code
我：Alipay透過手機確認已過數
職員：交易失敗喎，你俾現金啦
我：但係電話訊息係成功交易咗個喎！
職員：我依部機係冇就係過唔到㗎啦。嗱，我void多次俾你睇。
我：冇辦法，信佢所以用現金找咗數
———————————-
我：出門口行咗幾步，再收到匯豐電郵通知成功轉賬。行返轉頭問返個職員。
職員：我部機話冇就係冇㗎啦，而家咁夜(7:53pm)都幫你check唔到。如果你有問題你自己問返匯豐。
我：見到佢部機對上幾個客全部都係收咗Alipay,再void單，有感覺被騙！有啲唔忿氣直接打去匯豐，開咗speaker問。匯豐同呢位職員講，已經成功過數，一般嚟講，係食店自己處理返。唔關個客事，資料顯示係已成功過數。
職員：唔理匯豐點講，我哋公司係唔會咁做嘅，如果明早對數發現多咗先至會俾返個客。
我：失望離開。跟住行返轉頭問佢哋點樣過返錢俾我？
職員：一般PayMe俾返。
我：你都冇問我攞電話，你點PayMe俾返我？
職員：你都冇留低電話俾我，我點PayMe你啊。
我：好有理由懷疑依間店舖有欺騙成份！算！破財擋災🙁
奉勸大家如果以後去依間店舖幫襯，千祈唔好以電子付款，我係因為要泊車，要電子單據好無奈先至用Alipay，結果變咗要Double pay！$300變$600 😤
後記：呢個職員叫Gary，態度十分惡劣！對顧客處理手法都好有問題！！大家要小心！
同埋超過一日，呢間食店完全冇再跟進事件😡

張貼