樂壽新漁村酒家 (已結業)

朋友生日，一行十三人去試下呢間。因為見啲評論都ok!我地訂左個湯，食鮑魚，蟶子 講左$1900，訂檯果陣佢仲好主動話俾間房我,入房要​最低消費三千幾蚊冇問題！但你唔好亂開價錢囉！去到叫餸只係​叫左幾個"普通"小菜,佢話：例牌幫你再加大小小!最終​我地埋單$4622!! 佢可以過分到例牌一個啫啫芥蘭煲原本$78 佢收我$248, 咕嚕肉例牌$88佢收我$278, 銀盆雞例牌$108佢收我$256, 欖角骨例牌$88又收我$278，總之我地叫左咩菜佢就​＂即時幫你作左圍＂酒席＂收你$3688仲要係埋單個刻​你先知! 但係d小食，白飯，汽水又唔計落張＂酒席＂度！你一早同​我講明我ok,但你依家咁就有濫收成份囉！