金峰靚靚粥麵

營業中

休息中

今日打風日子，下午茶時間想食粥，本身我係呢間粥店附近住，都知呢間入座規舉。一行三人，我阿媽先去買菜，我同女友唸住係門口睇住餐單等齊人入座，睇睇下，個老闆娘問我地幾位，我話三位未齊人係門口等先，點知個老闆娘用命令式語氣叫我阿媽行快兩步，唔好阻住佢個位阻住收工囉！！正常人聽到都火起啦！ 我反問佢，我依家邊隻腳入左你間鋪，我係門口等齊人先入去唔岩咩？同個老闆娘嘈左幾句，即刻發爛渣話無粥賣囉！食你間粥有金執咩！我寧願去鰂魚涌街或生記食粥，都唔去食你間粥受氣！ 各位Openrice既朋友，如果你要喜歡選擇受氣來食一餐飯的，完全推介囉