泗益

營業中

休息中

一般都好少會寫食評，但係今次真係忍唔住要寫出嚟。今日趁假期諗住來試吓有名嘅西多士。中午12點三嚟到，人不多。有禮貌地想叫嘢食，嗰位喺度做嘅女士態度奇差地話已經閂門。因聽聞佢哋下午會再開門，我再問下午幾點鐘可以再嚟。嗰位女士用恥笑嘅態度話聽朝五點, 話自己朝早五點開工。仲要自己和幾個熟客哈哈大笑。令一台客人都睇唔過眼主動答我下午一點可以再嚟。真心想問吓點解一個有禮貌嘅食客只係想過嚟食嘢都要俾人羞辱？！佢明知我問乜都答非所問！如果淨係諗住做熟客生意不如大字標題members only啦! 今時今日咁嘅服務態度真係香港恥辱！唔會再去幫襯！奉勸各位唔介意俾人羞辱嘅話先好去。好食嘅西多士其他地方都有。