三不賣野葛菜水

營業中

休息中

有時經過旺角都會飲番返碗 雖然佢嘅野葛菜水係好飲 好似湯咁 同出面飲到嘅味道完全唔同 係好出名好多人買 不過都唔可以因為咁而囂張架？平時都覺得店員正正常常冇乜野 又唔係話要求你態度非常好 知道實有人話喺呢啲鋪頭仔就咪要求服務態度 我自己都明白但唔代表可以咁惡劣囉 今次嘅經歷真係好嬲 我落左一次鹽覺得太少再落啲 個阿姐無啦啦勁惡咁話你飲咗未咖 飲左就唔好攪啦 你邊隻眼見到我飲咗？然後一野搶左個匙羹劈去後面洗手盆度 乒鈴乓啷好大聲 哇 狠狠望住我 仲jip左我一下 我做錯啲乜？依家俾錢買難受？想飲碗湯姐 我都係想加個鹽姐 無啦啦咁都俾人鬧？真係嬲到我。。你係好飲啊 但都唔洗咁樣囉 我一直都幫襯開 以後都唔會再幫襯你地！見到嘅唔該好好反省下！