米珈琲

營業中

休息中

唔好以為蘋果幫你賣廣告就可以幫你hard sell！欣賞咖啡係一個體驗，環境舒適同埋服務質素並存，如果係一個隨時會俾人鬧，老闆郁啲就發脾氣，乜嘢都俾人規限，乜都唔做得，淨係可以企喺度企呆等嘅情況下，點樣欣賞杯咖啡？依家店主係咪要當個個都係小學生，係學校範圍內要熄電話？先唔好講杯咖啡好唔好飲啦，我相信同一個價錢一定有啲性價比更高，質素更好嘅咖啡，至少其他人會真心想比一個好嘅體驗客人，而唔係當個個客人都係佢敵人，一有少少唔啱佢心水就鬧人，你係邊個，有咩資格限制客人可以做啲咩？呢啲人諸多原則係佢自己嘅事，客人幫襯佢仲要貼錢買難受，難怪冇人幫襯，正常人都唔會幫襯佢，唔係因為佢咖啡嘅質素，而係老闆態度惡劣！我相信大部份人都覺得飲咖啡係一個自我放鬆嘅時間，意思係你可以一路做自己鍾意嘅嘢，一路飲咖啡。呢間舖頭直頭侮辱咗杯咖啡，口口聲聲要人哋尊重你先，其實你咁樣擺張告示喺門口，已經好唔尊重人，佢咁樣係侮辱緊所有同佢對欣賞咖啡有唔同意見嘅人。嗰啲係你嘅客人，使唔使吓吓教仔咁，其實個老闆都冇諗過尊重人，佢淨係要求人尊重佢！咁多規矩只會弄巧反拙，最後大家對呢間舖頭嘅印象只會係「有好多規矩，服務差」嘅咖啡店，