渣哥一九九六 (已結業)

今日午飯時間見人都無隻、唔洗排隊就去買一個煎釀三寶、一個腸粉。落單時我同個收銀員講：「腸粉唔該走甜醬」，佢無理我。到佢叫我單號時我再問佢（同一個收銀員負責叫單號），我話：「想問下個腸粉係咪走咗甜醬㗎？抑或啲醬要自己落？」，佢好大聲咁喝我：「醬落咗啦！寫咗啦！」。當時立即明白佢哋點解會無客！十問九唔應（仲要係喺無客嘅情況下，如果佢哋係忙嘅話我可體諒）仲未完，番去打開盒腸粉，發現咩醬都無，只有豉油！佢明明話落咗醬㗎喎！喝個客仲要俾錯嘢人，你話係咪貼錢買難受？成日聽到飲食業話難做，有哩啲害群之馬真係難上加難，我真心唔會、唔敢再幫襯…