影片
更多
2023-05-20
444 瀏覽
補返個評價比呢間餐廳。之前一個人黎過幾次，態度明明都好，食物可以。記得當時仲要掃安心出行入內，時間大約5-6點。我向店員攞位時，未有發現放在相反方向的安心出行牌。以為行到裡面個門口位置先掃。當時屋企人早到，被安排暫時坐係屬於餐廳的室外用膳地方坐住等我。我同店員講完，見到屋企人就想行過去搵佢。當時店員係喝出黎叫我掃左安心出行先，當堂比佢嚇一嚇。明白係我自己冇留意到個牌，但冇諗過係一間日式餐廳會比人咁樣喝住。當時既疫情管理情況已經冇咁緊張，已經唔洗show針卡。去過好多餐廳都未見有店員緊張到咁樣。考慮到可能有時滿座或等候既人多，驚我會夾硬入店先咁樣，但個時既時間，店舖人唔多。周圍略顯安靜。我先係櫃台位置附近踏出一步，有需要喝成咁嗎？然後我退後返一步攞手機掃安心出行。但非常尷尬地個時我手機已經用完最後既電，我比個店員望左一眼問我可唔可以係出面個坐位等充電完再掃。因為我冇帶充電器係身要借屋企人個用。店員再用非常不屑既態度，又撐枱又反白眼同我講「咁你地出返去先，你掃完先囉，掃完咪比你入黎。」我都知係我自己冇準備好，但態度係咪可以禮貌d處理得專業d?一間日式餐廳，加上之前嚟過幾次印象都唔係咁，真係
之前一個人黎過幾次，態度明明都好，食物可以。
記得當時仲要掃安心出行入內，時間大約5-6點。
我向店員攞位時，未有發現放在相反方向的安心出行牌。以為行到裡面個門口位置先掃。
當時屋企人早到，被安排暫時坐係屬於餐廳的室外用膳地方坐住等我。我同店員講完，見到屋企人就想行過去搵佢。當時店員係喝出黎叫我掃左安心出行先，當堂比佢嚇一嚇。
明白係我自己冇留意到個牌，但冇諗過係一間日式餐廳會比人咁樣喝住。
當時既疫情管理情況已經冇咁緊張，已經唔洗show針卡。去過好多餐廳都未見有店員緊張到咁樣。
考慮到可能有時滿座或等候既人多，驚我會夾硬入店先咁樣，
但個時既時間，店舖人唔多。周圍略顯安靜。我先係櫃台位置附近踏出一步，有需要喝成咁嗎？
然後我退後返一步攞手機掃安心出行。
但非常尷尬地個時我手機已經用完最後既電，我比個店員望左一眼問我可唔可以係出面個坐位等充電完再掃。因為我冇帶充電器係身要借屋企人個用。
店員再用非常不屑既態度，又撐枱又反白眼同我講「咁你地出返去先，你掃完先囉，掃完咪比你入黎。」
我都知係我自己冇準備好，但態度係咪可以禮貌d處理得專業d?
一間日式餐廳，加上之前嚟過幾次印象都唔係咁，真係冇諗過比人用茶餐廳式服務態度對待。咁既態度都可以既話，我又可必要黎選擇食日式野呢？
後來當然冇入去食，充電2分鐘終於開返機，但都唔會返轉頭了。
我諗起之前服務態度印象都唔錯，仲介紹比人，唔知發生咩事變成咁。本想比次機會間店，向經理反映呢個店員嘅情況，點知聽電話把聲就知係同一個人，繼續用流氓嘅語氣一輪嘴咁講「我就係經理，因為你冇掃到安心出行呀嘛！你掃完咪比你入黎囉！」
然後我已經無語了，原來佢係經理仲係咁既態度，電話投訴應對一副發難既款，即刻對旗下其他日式餐廳冇哂信心。之前仲想續間試試，而家免了。
張貼