宗像牛肉屋 (已結業)

今日一起身就想食這間之前覺得唔錯嘅和牛飯。 點知今次光顧後就唔想再來😤。。。大約2pm 一入到去都覺得奇怪點解一個人都冇，之後有個女侍應走過嚟問我幾多位，我就話2位。佢話你宜家得1個人未齊人唔可以入去叫我等下。我就同佢講我朋友只係門口泊車，可唔可以坐底左先叫左野食先。佢又話唔得(重要態度勁差)點都要等齊人。聽完佢極無禮回應， 我就同佢講我宜家1位可唔可以坐底。個女侍應竟然同我講 ，你頭先話2位宜家1位，所以都要等。( 心馬上唸起劉德華講嗰句而家咁嘅服務態度係唔得)。最慘到我食完，都係一個客都冇😂經過今次，我覺得d 野再好食， 服務態度差我都唔會再幫襯。。 因為完全覺得貼錢買難受