浩記餐廳小廚

營業中

休息中

星期日仲要返工，收工已經攰到死，諗住買外賣算數，見到食評都OK，就試下個椒鹽豬扒，我7點去到，落左order俾埋錢就係出面等，一等就等左20分鐘，我再入去問，個老闆娘就話整緊，再等多10分鐘，其他外賣已經一早走哂，呢個時候先有人走過黎問我係小菜定飯，大熱天時等左咁耐已經餓既感覺都冇埋，於是叫佢退錢，佢死都話整緊，再等多陣，我又問佢，你連我叫小菜定飯都未知你又點整緊呀？？佢仲要講多句話我自己講唔清楚，我講唔清楚你又點收我錢呀？嘈完幾分鐘就即刻有人拎盒飯出黎，臨走仲要抽多句水話我講野唔清楚，總之一定無下次！！有圖有真相