影片
更多
2020-09-12
482 瀏覽
朋友一心想支持vegan理念，所以揀咗呢間餐廳慶祝生日。真係無諗過，好嘅理念，帶來一餐咁麻煩受氣嘅飯。事前已經fb溝通過蛋糕嘅問題，餐廳表示有三個選擇: 1)响佢哋度訂個外表極平凡$840蚊嘅士多啤梨蛋糕; 2)就响佢哋合作蛋糕鋪訂; 3)自備加切餅費$100同只准帶vegan蛋糕。由於佢合作開嘅蛋糕鋪嗰段期間唔營業，我哋就決定用方法(3)，仲特登去咗間連鎖BYO蛋糕整佢唯一嘅vegan蛋糕。點知原來唔揀佢個八舊水但相貌平凡嘅蛋糕就係原罪......慶祝當日帶住蛋糕去到餐廳，已經見到入座咗嘅朋友同星星紋身女店員溝通緊。再了解吓，原來女店員話唔可以响佢度切自備vegan蛋糕，就算我哋攞出fb文字對話證明當時餐廳客服表示方法(3)自備俾切餅費ok，再展示連鎖BYO蛋糕單據同網站，證明唔係我就咁話係vegan蛋糕，星星紋身女店員都係堅持唔可以切蛋糕。原因係佢證明唔到你真係vegan, 佢地餐廳嘅食具唔可以掂到外來非vegan食物。咁你方法(2)合作鋪頭又其實無做，原來方法(3)你又唔會俾，只可以方法(1)食你自家個八舊水但相貌平凡嘅蛋糕，你唔一早我哋fb了解你就講？我哋唔會特登自己去整個靚靚
事前已經fb溝通過蛋糕嘅問題，餐廳表示有三個選擇: 1)响佢哋度訂個外表極平凡$840蚊嘅士多啤梨蛋糕; 2)就响佢哋合作蛋糕鋪訂; 3)自備加切餅費$100同只准帶vegan蛋糕。由於佢合作開嘅蛋糕鋪嗰段期間唔營業，我哋就決定用方法(3)，仲特登去咗間連鎖BYO蛋糕整佢唯一嘅vegan蛋糕。點知原來唔揀佢個八舊水但相貌平凡嘅蛋糕就係原罪......
慶祝當日帶住蛋糕去到餐廳，已經見到入座咗嘅朋友同星星紋身女店員溝通緊。再了解吓，原來女店員話唔可以响佢度切自備vegan蛋糕，就算我哋攞出fb文字對話證明當時餐廳客服表示方法(3)自備俾切餅費ok，再展示連鎖BYO蛋糕單據同網站，證明唔係我就咁話係vegan蛋糕，星星紋身女店員都係堅持唔可以切蛋糕。原因係佢證明唔到你真係vegan, 佢地餐廳嘅食具唔可以掂到外來非vegan食物。咁你方法(2)合作鋪頭又其實無做，原來方法(3)你又唔會俾，只可以方法(1)食你自家個八舊水但相貌平凡嘅蛋糕，你唔一早我哋fb了解你就講？我哋唔會特登自己去整個靚靚vegan蛋糕啦。
溝通緊嘅途中，由於星星紋身女店員不斷話佢話唔到事，係公司規矩，我哋提議同經理溝通，佢就話經理今日無返(睇返openrice劣評先知呢招佢之前用過，好評有得請人食嚟寫，劣評真係不得不信)。佢再講佢明生日大晒，試過有客用粗口鬧佢，佢都好無奈，而我哋當時係好聲好氣溝通從來都無話生日大晒，只係同你哋事先問咗ok你而家話唔得大家先理解吓，你用個粗口小你嘅前人例子講你好無奈，我哋何嘗唔係仲無奈。女店員再表示佢都係打份工，平日食飯都要响後樓梯食，我哋真係成頭問號，我哋本身都係想俾錢食餐vegan飯，你收錢响後樓梯食同無返嘅經理或者阿甘薯葉集團反映會直接啲。佢又話佢哋餐廳係新開，運作係有混亂先會同fb客服有出入，但事後發現原來都開咗成兩年，講大話講到咁自然，唔翻查都無諗到。
最後，當然都係唔話得事返工最委屈係佢嘅星星紋身女店員話唔切得蛋糕。最後，都叫咗幾樣嘢食，講真係好味嘅，但真係無晒心機食，以後都唔會想食。生日就真係唔好去啦勸大家，普通食你諗諗。
我自己唔係食開vegan嘅人，睇返佢老闆王世豪話自己做vegan生意係想推廣素食俾大眾，今次食vegan真係印象深刻啦，但完全唔會再了解再食，聽到都覺好麻煩，多得呢間pop vegan。
張貼