發記甜品 (已結業)

晚上同幾個內地同學食完飯 10點幾打算食甜品坐下傾下計，諗起旺角冇乜甜品店剩係記得發記 所以就入左去，我地5個人，但有3個同學去左朗豪坊去廁所，所以2個人入左去先，我地都已經好識做叫左2份甜品先，個店員仲行個黎問左2次我地幾多位，又極唔友善目光望住我地，覺得我地霸住張枱，到我同學返黎坐低落單，個店員表面上好好禮貌話“貴賓”想食乜野。 我幾位內地同學聽唔明所以冇反應，但我地香港人一聽就知係串緊我地， 食甜品食到一肚氣，以後唔會再黎，態度好惡劣！