豪大大雞排 (銓利大廈)

營業中

休息中

我自問係一個非常有禮貌ge人，次次去到門口，見咁多人(大家企到散哂）都唔知邊喥係龍尾，我就問後面啲人係咪排緊隊，舖頭個阿姐突然問我後面啱啱嗰個人要食啲咩？？哇靠！佢見到我嚟先，而且唔係第一次，我幫襯三次都係咁，之前我有建議過，叫佢掛個牌指出排對方向，好俾啲人排隊或等食物就企另一邊， 而唔係邊個衝埋嚟大聲嗌食乜就先俾邊個。「 香港人冇禮貌」 難道名不虛傳？如果呢間鋪頭係咁嘅文化， 我下次一係唔幫襯， 一係去到直接同老細講我要乜，唔會諗排唔排隊。 但我諗會揀前者， 因為我係一個好講禮貌嘅人。本身住過台灣十年，大大小小雞扒都食過，就係欣賞香港開的豪大大雞排都有八成台灣味道，除咗價錢比台灣貴四倍之外，雞排質素唔錯，但衰在服務態度太差，同台灣差別甚遠，所以都係唔會再幫襯灣仔呢間。