茶木‧台式休閒餐廳 (已結業)

有排無食茶木啦﹐皆因真係唔容易等位。今次見少d人，又係附近行下街，算係可以等下。不過我又唔明，其實茶木又唔係特別好食而又唔特別平，點解會有咁多人食既呢。點都好，今次我地一行兩個人，叫左兩個主食同兩杯野飲。先講下沙茶牛柳炒手作麵，確係幾好食，整體口味唔會太咸，沙茶味都惹味而牛柳都幾嫩；麵有少少似板條，厚身彈牙，唔錯。另一個係梅子豆乳燉肉排，呢個真係食唔到，特鹹同勁老。成碟餸醬汁豐富，鹹到起碼十碗飯先夠撈，肉質亦唔係一般人咬得到吞得到，我地根本無咩食過。仲有叫左兩杯野飲，都不過不失啦，奶蓋都算做得唔錯，夠奶味都厚身。呢度既食物質素參差，大家真係要小心揀野食。