激安燒肉工房 X 大眾燒肉酒場 (已結業)

7個成年人坐4人枱，但要由入座起計兩小時內完成，燒烤嘅爐只有一個，而且尺寸亦唔夠大，真係要一次過叫齊所有食物，唔好傾偈，密密燒密密食，勉勉強強先可以趕得切完成到。根本不能再點第二輪，未吃飽便要離開。食物水準一般，負責上餐嘅侍應將三至四碟餸叠高上菜，雖知道全部都是生食加上是木制的食物盤，但真係接受唔到下面碟粟米因為呈半圓狀而頂住上面碟豬頸肉嘅底，咁碟粟米仲乾唔乾淨？環境方面，鋪內昏暗，地面油淋淋好跣；抽風系統亦不理想，食完成身都充滿着燒烤味出返嚟。