影片
更多
2008-04-28
2 瀏覽
四月廿七日(日)今日終於搵番開飯喇送既兩張贈卷戲飛，可以去奧海城度睇戲。選擇奧海城其中一個目的係黎算近既神廚館度試一試，睇下係咪真係咁掂，因為食過既連OK都小，大多都係笑臉，好厲害!是次由旺角城鐵站行過去，行去奧海城就試過，行去匯豐中心果頭真係第一次，幸好以為行錯之際一轉彎就搵到! 第一個感覺係間舖的而且確係幾細下，裡面只三張卡位型既枱，當然亦可座馬路邊，環境方面算係典型小舖~ 攪餐牌後決定叫招牌煎蛋墨魚餅飯同美極煎牛扒飯~美極牛扒飯不一會已來，未上枱前已聞到廚房傳來一陣香氣。美極牛放係枱前第一個感覺係係咪黎錯?因為太多蔥係面，完全感覺唔到佢係牛扒，後尾睇真先知佢係美極牛扒黎。未吃前已閒到牛扒煎得香氣撲鼻，先試了一口汁撈飯，發覺與聞到的一樣香濃，實在極之好吃，立即再舀一羹給老婆試試。再來當然試試牛扒，由於本人不好蒽，所以撥開了蒽吃牛扒，牛扒非常有鑊氣，同美極汁亦非常夾，牛扒肉質亦淋，可用匙羹篤開，整體黎講成個飯都非常好食。就連我平時唔食既蒽都煮到出左味食落都唔覺討厭，唔好既就係蒜味濃，食完老婆覺得我口氣幾勁同口渴...不過唔咁濃又可能無咁香~煎蛋墨魚餅飯隔一會跟著來，上來的感覺是整個飯
今日終於搵番開飯喇送既兩張贈卷戲飛，可以去奧海城度睇戲。選擇奧海城其中一個目的係黎算近既神廚館度試一試，睇下係咪真係咁掂，因為食過既連OK都小，大多都係笑臉，好厲害!
是次由旺角城鐵站行過去，行去奧海城就試過，行去匯豐中心果頭真係第一次，幸好以為行錯之際一轉彎就搵到! 第一個感覺係間舖的而且確係幾細下，裡面只三張卡位型既枱，當然亦可座馬路邊，環境方面算係典型小舖~ 攪餐牌後決定叫招牌煎蛋墨魚餅飯同美極煎牛扒飯~
美極牛扒飯不一會已來，未上枱前已聞到廚房傳來一陣香氣。美極牛放係枱前第一個感覺係係咪黎錯?因為太多蔥係面，完全感覺唔到佢係牛扒，後尾睇真先知佢係美極牛扒黎。未吃前已閒到牛扒煎得香氣撲鼻，先試了一口汁撈飯，發覺與聞到的一樣香濃，實在極之好吃，立即再舀一羹給老婆試試。再來當然試試牛扒，由於本人不好蒽，所以撥開了蒽吃牛扒，牛扒非常有鑊氣，同美極汁亦非常夾，牛扒肉質亦淋，可用匙羹篤開，整體黎講成個飯都非常好食。就連我平時唔食既蒽都煮到出左味食落都唔覺討厭，唔好既就係蒜味濃，食完老婆覺得我口氣幾勁同口渴...不過唔咁濃又可能無咁香~
煎蛋墨魚餅飯隔一會跟著來，上來的感覺是整個飯比較乾身，老闆很友善的教我們可以落甜鼓油調味。老婆叉了一塊墨魚餅給我試，食落有彈牙感覺，非常香墨魚味，配料味道很好的配合墨魚這主角，令人吃完一塊想吃多一塊! 煎蛋餅方面配合鼓油是中餐常見的組合，沒甚麼特別，但配合這塊優質墨魚餅也是頗夾~
以這價錢吃到即造飯實在唔錯，可惜地點實在不太就腳，不然可以多點幫襯~ 期待下次再來!
張貼
