婆婆珈琲屋

營業中

休息中

我絕對是為富士山飯團慕名而來，提早幾日訂座，可惜我晚市首輪入座，店員已告知飯團售罄，她說通常午市才有供應，實在令人失望。望著餐牌，五款主菜中有一款未能供應，另外有兩款只限量供應各六份，呃，真的有點誇！蜂蜜蘋果咖喱雞肉烏冬 $128沖繩黑糖豬軟骨定食 $148 （限量最後一份！）兩份晚餐賣相唔錯，前菜豆皮菠菜無咩味不過都幾多，柚子蘿蔔味道我麻麻，溏心蛋好食，味噌湯有蜆肉都唔錯。咖喱撈烏冬好食，每條烏冬都被日式甜咖喱包住，薯仔粒蘿蔔粒同雞肉粒大小相若，不同口感，成件事幾豐富。豬軟骨好入味，部份膠質入口溶化，但有部份比較柴，實在美中不足。跟餐配蘋果婆婆杯茶 加$28，富士山限定特飲加$58。前者味道有點酸，後者根本是杯打滿奶泡的鮮奶，適合打卡但味道普通。最後甜品點了一份沖繩海鹽富士山 $98 賣相好靚，個海鹽雪糕非常鹹，配無咩味既蛋糕同奶油食都可以中和返。.總括來說，店家屬打卡餐廳，賣相精緻，味道普通。主菜唔算貴，但加埋特飲，加埋甜品，計返性價比唔太高。