影片
更多
2010-08-20
164 瀏覽
幕名拜訪澳牛炒蛋，實地感受一下澳牛炒蛋既魔力。第一次黎到佐敦，出發之前已經睇定地圖。點知去到佐敦依然係迷路，兜左個大圈先發現原來鋪頭就係港鐵站出口斜對面。到達目的地既時候係四點左右，門口無人等位但鋪內都差唔多坐滿人。素聞澳牛既員工服務態度差，但我覺得其實未至於咁惡劣，反而仲幾風趣。話說小妹與友人係門口問一位員工入唔入得去，當時個員工應該同緊一位日本人講緊野，跟住個員工仲笑笑口咁答我地「你識日文先入得架」，之後友人仲用左句日文回應佢唔講廢話，講返D食物!我點左個茶餐要火腿通&熱奶茶，食物唔駛一分鐘就送到，速度快得驚人先講個火腿通粉，通粉外貌同一般茶餐龐相約，但略嫌太軟，通粉始終要爽口先好食，而且味道都冇咩特別。再講既係奶茶，對港式茶餐廳黎講奶茶靚唔靚係好緊要，沖得一杯茶味夠濃得黎又要幼滑既奶茶真係好考功夫。澳牛既奶茶雖然不俗，但對於本人黎講未算最好。最後就講今次來訪既主要目的—炒蛋。炒蛋應該加左牛奶去炒，之前曾經試過別家既牛奶炒蛋，但牛奶味太濃，完全蓋過蛋味。但澳牛既炒蛋果然做得相當出色，牛奶能夠提高炒蛋嫩滑既效果，又唔會蓋住蛋本身既蛋味，澳牛炒蛋果然名不虛傳!可能因為四周急速既環境影響
到達目的地既時候係四點左右，門口無人等位但鋪內都差唔多坐滿人。素聞澳牛既員工服務態度差，但我覺得其實未至於咁惡劣，反而仲幾風趣。話說小妹與友人係門口問一位員工入唔入得去，當時個員工應該同緊一位日本人講緊野，跟住個員工仲笑笑口咁答我地「你識日文先入得架」，之後友人仲用左句日文回應佢
唔講廢話，講返D食物!我點左個茶餐要火腿通&熱奶茶，食物唔駛一分鐘就送到，速度快得驚人
先講個火腿通粉，通粉外貌同一般茶餐龐相約，但略嫌太軟，通粉始終要爽口先好食，而且味道都冇咩特別。
再講既係奶茶，對港式茶餐廳黎講奶茶靚唔靚係好緊要，沖得一杯茶味夠濃得黎又要幼滑既奶茶真係好考功夫。澳牛既奶茶雖然不俗，但對於本人黎講未算最好。
最後就講今次來訪既主要目的—炒蛋。炒蛋應該加左牛奶去炒，之前曾經試過別家既牛奶炒蛋，但牛奶味太濃，完全蓋過蛋味。但澳牛既炒蛋果然做得相當出色，牛奶能夠提高炒蛋嫩滑既效果，又唔會蓋住蛋本身既蛋味，澳牛炒蛋果然名不虛傳!
可能因為四周急速既環境影響，向來本人喜歡坐低慢慢邊傾邊食，但感覺係到食得太慢唔係幾好意思，只好一直將食物塞入口。一份茶餐已經可以食到好飽，就連晚餐都可以慳返!總括黎講，澳牛絕對唔適合入去HEA坐，但對於好蛋人士真係不得不去!
張貼
