影片
更多
2009-10-29
40 瀏覽
今天是小兒的秋季旅行(幼稚園旅行)，地點正是「白鷺湖互動中心」，其實一去到感覺真係幾好，地方開揚、空氣清新，搞活動啲導師真係唔錯，好有禮貌&工作熱誠，同小兒參加他們的活動都好開心，滿以為會有一個美好回憶，可惜.......這正是一樁慘痛經歷的開始......到了12:30，正直Lunch時間，我之前都睇過Openrice，都對呢間小白鷺餐廳不存厚望，不過同個仔旅行，都冇幾何，所以明知貴兼唔好食都入去碰下步運氣，於叫咗2個set lunch，一個"焗豬柳茄汁意粉" $98-，另一個係"焗海鮮長通粉"$88-！餐湯我叫咗忌廉湯&雜菜湯各一！等咗唔太耐，餐湯&麵包到了，個雜菜湯都尚算可以，忌廉湯就有啲不知所謂，幾粒粟米+幾片唔知昆布定海帶，而且淡而無味，反而啲麵包就熱熱哋都唔錯！到上主菜，碟"焗海鮮長通粉"啲通粉睇落肥啫啫都知唔慌好，食落口淋pat pat，完全唔合格，魷魚太韌，啲魚炸過有油味，蝦同青口都係急凍冇味貨式，不過相對於另一個"焗豬柳茄汁意粉"都算係好好味~~~個"焗豬柳茄汁意粉"賣相都可以，不過睇啲......意粉底有水，啲豬柳似柴皮.....出事了，食落口果然鞋到亞媽都唔認得，
到了12:30，正直Lunch時間，我之前都睇過Openrice，都對呢間小白鷺餐廳不存厚望，不過同個仔旅行，都冇幾何，所以明知貴兼唔好食都入去碰下步運氣，於叫咗2個set lunch，一個"焗豬柳茄汁意粉" $98-，另一個係"焗海鮮長通粉"$88-！餐湯我叫咗忌廉湯&雜菜湯各一！
等咗唔太耐，餐湯&麵包到了，個雜菜湯都尚算可以，忌廉湯就有啲不知所謂，幾粒粟米+幾片唔知昆布定海帶，而且淡而無味，反而啲麵包就熱熱哋都唔錯！
到上主菜，碟"焗海鮮長通粉"啲通粉睇落肥啫啫都知唔慌好，食落口淋pat pat，完全唔合格，魷魚太韌，啲魚炸過有油味，蝦同青口都係急凍冇味貨式，不過相對於另一個"焗豬柳茄汁意粉"都算係好好味~~~
個"焗豬柳茄汁意粉"賣相都可以，不過睇啲......意粉底有水，啲豬柳似柴皮.....出事了，食落口果然鞋到亞媽都唔認得，啲意粉唔淋有口感but用水浸住又點會有味，簡直衰過茶餐廳，不過都勉勉強強叫做食完~~~~
大約响1:30叫埋單，俾完錢收拾細軟，望下枱面有冇漏野就走人，行開唔夠5米，發現冇咗個電話，於是立即番轉頭，已經有個waitress執緊野，我問佢有冇執到個電話，佢話冇，我於是放個背囊落張枱度搵清楚，點知俾人白眼，話我好阻住佢抺枱，不過我都費事理佢，搵電話要緊，但搵唔到，我幾乎肯定係餐廳員工執咗，因為我1:30埋單前，我就係睇電話個時間先埋單，即1:30個電話仲响枱面，而且當時有95%以上都係幼稚園家長&小朋友，我起身行咗又唔夠5米, 張枱距離其他枱又比較遠，唔相信有家長會特登過嚟偷，我仲借咗餐廳個電話，至少打通咗6次，之後先唔通，如果話唔係餐廳員工攞我打死都唔信！
仲有下文......正當我徬徨之際，之下果個waitress行過响我2米左右細細聲講咗一聲「X線」，咁啱又俾我聽到，我於是問佢仲乜鬧我，佢話唔係同我講，但附近又冇其他員工，我當堂更加慶過火屎，立定決心報警，警方到場都係循例查下，雖然警員都同意係員工攞咗嘅機會最大，不過餐廳冇CCTV，所以好難證實係邊個攞，不過都會跟進事件！
本來一次開開心心嘅旅行，變成一個極不愉快嘅回憶，真係慘！講真收得人成舊水一個Lunch，啲出品&員工冇可能係如此低水平的！
雖然我十分不滿意其員工的態度及操守，但我對此食評絕無私心，如實報導，因為我公正不訶嘅食神艾廸！
張貼