小確茶 (麗閣商場) (已結業)

初頭望落去好大杯，樣都ok以為咁多珍珠一定好飲…點知真正中伏🥴未飲過咁難飲嘅珍珠奶茶，粒粒珍珠都係硬既，根本未煮透，硬既珍珠完全係糟蹋咗杯奶茶，結果只係飲咗少少茶就掉咗⋯$22都唔係話好平丫，麥記黑糖珍珠奶茶仲好飲過佢，身為專門賣台式飲品店，竟然連最基本嘅珍珠奶茶都未做得好，究竟如何競爭？？而且，我order走糖，竟然依然感覺好甜，真係未飲過咁差既珍珠奶茶，事實證明，重量不重質係沒有用！質量質量，質永遠行先好嗎？！