Amina² Cuisine (已搬遷) 新店位置

這晚跟緋聞情人去撐枱腳，法式晚餐食足四個鐘，平時摩打手腳返工的我，可以放鬆一下自己。一進門就看到風乾火腿與生蠔，大概已想好要吃些甚麼了﹗昏暗的燈光，營製出浪漫的感覺。剛巧餐廳逢星期三是生蠔夜，$188就有6隻蠔，而且還有美國、澳洲、法國等選擇，好蠔的朋友，記得mark低呀!  身為蠔迷，我當然不放過!點了美國 Pacific rock, 海水味中等，蠔身creamy, 帶子位爽身，口感豐富。(上)澳洲Coffin bay，海水味比KYS Marine 淡一點，但仍屬重味的，蠔身有爆汁感，邊位爽甜。(下)法國Kys marine， 好嫩滑，入口海水味重， 及後鮮甜，而且long lasting。食完至愛生蠔， 點了個晚餐， 有湯、頭盤、小食、主菜，甜品，茶。價錢視乎主菜而定。茄子香草醬配香草包， 平時多是點黑醋，今次換上茄子醬，創新又惹味。特選黑毛豬火腿配皺紋瓜奶凍, 用24個月的iberico ham ，乾身同時帶有點油脂; 皺紋瓜奶凍甜度討好, 好滑溜。法式龍蝦湯，深橙紅的色澤，面層有一層油，但不油膩，鎖住湯的熱力。濃郁龍蝦殼熬湯味道，雖然沒有龍蝦肉，同樣令我一匙一匙不停地放進口中。