影片
更多
2023-09-14
438 瀏覽
曾經開到成行成市嘅港式糖水舖，執吓一間執吓又一間，而家價錢合理又用料靚嘅糖水買少見少。 研香係著名扒房 Top Blade 嘅副線，疫情期間跨界開始做網上團購，去年喺尖沙咀厚福街開設實體店，設計好似一間 Cafe 咁坐得舒服。店內主打傳統糖水，選用進口果仁利用精磨機自家慢磨，一般係用嚟研磨可可豆，聽聞每次要用接近八個鐘先達至理想嘅細膩度，花費大量時間成本心機，呢份堅持可以話係不惜工本。為咗令味道更濃郁，小店非常揼本，招牌嘅限定開心果露 ($48) 以來自意大利西西里嘅開心果磨製而成，每日只做到兩輪賣晒就無得食啦！堅果嘅天然油脂同香氣特別濃郁，味道香醇餘韻悠長，比平時食到嘅開心果 Gelato 濃郁幾倍！質感極致幼滑，細味會感受到少許顆粒感，甜度好輕微食落健康啲，配埋滑溜豆腐花，嗜甜嘅朋友可能會覺得有啲淡，但對我嚟講啱啱好。本人係杏仁茶愛好者，好多人唔鍾意嗰隻獨特嘅味道，可能係俾茶記杏霜嚇親，但好嘅杏仁茶應該有種清香。研香嘅杏仁茶濃稠度剛好，加埋大大粒麻茸湯圓 ($43)，食落似手工搓咁煙韌軟糯，喜歡 🤍間間糖水舖都有嘅楊枝甘露 ($46)，可以睇到係勁足料啖啖芒果肉，又唔會有啲奇奇怪怪
開心果豆腐花
$48
3 瀏覽
0 讚好
0 留言
為咗令味道更濃郁，小店非常揼本，招牌嘅限定開心果露 ($48) 以來自意大利西西里嘅開心果磨製而成，每日只做到兩輪賣晒就無得食啦！堅果嘅天然油脂同香氣特別濃郁，味道香醇餘韻悠長，比平時食到嘅開心果 Gelato 濃郁幾倍！質感極致幼滑，細味會感受到少許顆粒感，甜度好輕微食落健康啲，配埋滑溜豆腐花，嗜甜嘅朋友可能會覺得有啲淡，但對我嚟講啱啱好。
杏仁茶湯圓
$43
2 瀏覽
0 讚好
0 留言
本人係杏仁茶愛好者，好多人唔鍾意嗰隻獨特嘅味道，可能係俾茶記杏霜嚇親，但好嘅杏仁茶應該有種清香。
杏仁茶湯圓
$43
3 瀏覽
0 讚好
0 留言
研香嘅杏仁茶濃稠度剛好，加埋大大粒麻茸湯圓 ($43)，食落似手工搓咁煙韌軟糯，喜歡 🤍
楊枝甘露
$46
4 瀏覽
0 讚好
0 留言
間間糖水舖都有嘅楊枝甘露 ($46)，可以睇到係勁足料啖啖芒果肉，又唔會有啲奇奇怪怪嘅配料（爆爆珠係我嘅敵人 hahaaa），唯一就係啲柚子應該一早剥定，有啲乾咗水唔太新鮮嘅口感，但整體都係唔錯的，約朋友食糖水不妨一試。
📍 研香
尖沙咀厚福街7號地舖
楊枝甘露
$46
8 瀏覽
0 讚好
0 留言
張貼
