川熙樓 (已結業)

去酒店餐廳，好多時都係食自助餐，但中餐就比較少，聽講尖沙咀有間响酒店入面的中菜館評價幾好，所以就去試試。成個環境好典雅好紅噹噹，最貼心的係門口旁邊夠哂空間泊車。先來一壼茶同埋前菜，茶就係玄米茶，而前菜係切成長條形的涼拌皮蛋，咁樣食法好特別。菠蘿咕嚕肉其實呢家店的每一味菜絕對唔可以同快餐店相比，都要花一點時間等才上枱。咕嚕肉的肉質腍腍的，食得出係索咗 d 汁同埋 d 菠蘿味，所以係好惹味。蟹籽鮑魚粒炒飯上枱時係熱到噴哂煙，食落唔會太濕或者太乾，粒粒分明，混入蟹籽同埋鮑魚粒令到成個飯好入味。宮廷桃酥外表看起來冇咩特別，但係一食落去有粒粒果仁粒，而且個酥本身好鬆軟，香口及咬口兼備。