樂啡 (已搬遷) 新店位置

星期日的休息，諗唔到做啲乜，於是諗住搵間Cafe可以坐下Hea下。之前搭輕鐵嘅時候，路過見到呢一間感覺好舒服嘅Cafe，於是就想一試，試咗之後會好想再去多一次。因為環境真係好舒服，店內用咗一個好大嘅位置去放置音響，睇得出店主係好有心思嘅。食物方面我哋兩個人叫咗兩樣嘢再加兩杯咖啡。首先係all day breakfast，雖然望上去好似唔係好多嘢不過食落嘅時候都覺得幾有份量。我鍾意係all day breakfast見到有牛角包，牛角包充滿着牛油嘅香味非常唔錯。另外生菜加咗醋醬感覺非常清新我本人非常喜歡。整體來講我覺得足料價錢都OK。另外我地點左一個疏乎厘多士，一開始睇個名嘅時候以為應該係輕量嘅甜品，點知一嚟到見到原來都幾大份。疏乎厘當時嘅質感令我覺得好驚喜，軟綿綿嘅多士充滿着蛋漿，之後再加上蜜糖同朱古力醬，係出奇地配合。加埋咖啡，就係完美的週末。