鐵飯碗

營業中

休息中

今次我去咗位於灣仔皇悅酒店嘅鐵飯碗食飯，呢度環境唔錯，坐咗喺卡位相當舒服。頭盤：皮蛋五香炸肉卷、娘惹海鮮小金杯、蜜汁黑豚肉叉燒主菜：江南煎大頭生蝦、炭烤黑毛豬肋骨、櫻花蝦啫啫雙花主食：星洲海鮮炒米甜品：香茅萬星愛玉凍首先頭盤嘅皮蛋五香炸肉卷，個炸肉卷炸得香脆，五香味道恰到好處，唔會太重，令人食得好開胃。娘惹海鮮小金杯：小金杯裏面有嘅海鮮令味道更加豐富。至於蜜汁黑豚肉叉燒，肉質肥美多汁，蜜汁燒得剛剛好，甜而不膩。接下黎講主菜，江南煎大頭生蝦嘅好大隻，大頭蝦煎得金黃酥脆，蝦肉彈牙，配上微微帶辣嘅醬汁，味道多層次。炭烤黑毛豬肋骨好大份，肋骨炭烤嘅香味撲鼻。櫻花蝦啫啫雙花炒西蘭花🥦及椰菜花。主食方面，星洲海鮮炒米係一道經典美食。星洲經典嘅咖哩香氣，有蝦、芽菜、洋蔥等，炒得夠乾爽。最後，甜品香茅萬星愛玉凍帶嚟一個清新嘅結尾。愛玉凍切成一小粒，口感滑嫩，加入香茅味道，好清新。