Appendix Coffee & Bar (已結業)

舊同事 J小姐去咗韓國讀咗成年書，雖然韓文唔覺佢進步咗，連奧巴都識唔到，但咁耐無見，我哋真係傾5個通宵都仲可以有好多嘢講！所以今日慶祝佢強勢回歸，我哋去咗銅鑼灣嘅Appendix Coffee & Bar chill 一 chill，慢慢傾慢慢嘆！2G rich kid以菠蘿醋、薄菏、蜜糖、青檸加上冧酒調製而成嘅呢杯雞尾酒，入口又甜又酸，加上用金叵羅為杯嘅造形，所以叫二世袓，以表達自己做唔到二世袓嘅酸味。PR Shum用甜酒加上檸檬同蛋白，甜味好出，酒精味唔強，容易入口。Ponchos Platter六款唔同嘅餐前小食，包括有西班牙風乾火腿、辣肉腸、咸靑椒醃漬鯷魚、磨菇粒、煙三文魚同芝士粒火腿粒，配以多士，佐酒一流！而我就最鍾意橄欖配十二個月既風乾火腿，肉質柔軟，鹹度適中；另外仲有咸靑椒醃漬鯷魚，魚嘅鹹香好出，又唔會死鹹。Spring Chicken呢個店員推介嘅燒春雞，一切落去，啲雞汁就爆出嚟，雞肉好嫩滑，而雞皮塗上蜜糖，食落甜甜哋又脆口，怕肥嘅我哋都忍唔住食晒。