影片
更多
2019-05-03
268 瀏覽
幾姊弟咁耐無出過去食飯，點都應該黎番個小孩gathering。細妹提議食西餐，老弟嘅要求就只係「肉、肉、肉」。於是，我哋誤打誤撞，就搵咗一間叫「慢煮工業」嘅西餐廳。喺太子地鐵站D出口行三分鐘，就黎到呢間西餐廳啦！甫踏入餐廳，我哋就見到一塊帶有五、六十年代特色嘅霓虹燈牌 估唔到嚟到夜晚8點半，餐廳仍然車水人龍。好彩我哋醒目提早預約，所以唔駛浪費寶貴嘅時間喺排隊度。餐廳近出口位置仲有一套西洋鼓，好有七、八十年代嘅風味呀！唔知平時會唔會有人做busking呢？我哋喺一張四人檯坐底，就即刻睇睇餐牌有咩好食。經過一番討論，我哋決定要盡食呢度嘅肉品，細味意國風情。減肥？？聽日再算喇！既然四人同行，當然要叫番個「四人慢煮星級盛宴」。一個set dinner，我哋就食到12安士嘅慢煮肉眼牛排、兩隻咸蛋黃炸大雞肶、四隻炸豬仔肶、各式各類嘅炸雜菜等等。喺咁多種肉類當中，我最鍾意呢道咸蛋黃炸大雞肶。因為呢種雞肶比平時喺街邊賣嗰啲大好多，一隻巨肶已經有我兩隻手掌咁大。鹹蛋黃醬蘸滿成塊脆雞皮，簡直香氣十足；加上厚肉得黎又鮮嫩多汁，我哋都覺得食落口感相當過癮呀！而四隻甜甜嘅豬仔肶，又岩哂我哋一人一隻，真係perf
喺太子地鐵站D出口行三分鐘，就黎到呢間西餐廳啦！
甫踏入餐廳，我哋就見到一塊帶有五、六十年代特色嘅霓虹燈牌 
估唔到嚟到夜晚8點半，餐廳仍然車水人龍。好彩我哋醒目提早預約，所以唔駛浪費寶貴嘅時間喺排隊度。
餐廳近出口位置仲有一套西洋鼓，好有七、八十年代嘅風味呀！唔知平時會唔會有人做busking呢？
我哋喺一張四人檯坐底，就即刻睇睇餐牌有咩好食。
經過一番討論，我哋決定要盡食呢度嘅肉品，細味意國風情。減肥？？聽日再算喇！
四人慢煮星級盛宴 （部分肉食）
49 瀏覽
0 讚好
0 留言
既然四人同行，當然要叫番個「四人慢煮星級盛宴」。一個set dinner，我哋就食到12安士嘅慢煮肉眼牛排、兩隻咸蛋黃炸大雞肶、四隻炸豬仔肶、各式各類嘅炸雜菜等等。
咸蛋黃炸大雞肶兩隻
14 瀏覽
0 讚好
0 留言
喺咁多種肉類當中，我最鍾意呢道咸蛋黃炸大雞肶。因為呢種雞肶比平時喺街邊賣嗰啲大好多，一隻巨肶已經有我兩隻手掌咁大。鹹蛋黃醬蘸滿成塊脆雞皮，簡直香氣十足；加上厚肉得黎又鮮嫩多汁，我哋都覺得食落口感相當過癮呀！
烤豬仔脾4隻
25 瀏覽
0 讚好
0 留言
而四隻甜甜嘅豬仔肶，又岩哂我哋一人一隻，真係perfect喇！
西西里肉醬芝士焗意粉
25 瀏覽
0 讚好
0 留言
食完肉、肉、肉之後，「西西里肉醬芝士焗意粉」就登場喇！呢款意大利傳統意粉，喺濃郁香滑嘅肉醬芝士擁抱下，美味倍增，簡直尤如神來之筆⋯⋯
熱情水果特飲
$38
33 瀏覽
0 讚好
0 留言
食咗咁多野，點都要飲返杯冰涼透心嘅飲品先至滿足。弟妹一致想試「熱情水果特飲」。呢度嘅飲料喺以一jar上檯，畀人自由按照需要嘅分量自行酙添。
百香果味十足，酸酸甜甜，令我哋飲完又有番食慾喇！
既然仲有胃口，我哋就再點一道「焗農夫包湯」。包身鬆軟可口，再加上微淡嘅南瓜濃湯，我覺得今餐真喺盡興無憾喇！
張貼
