Coffever (已結業)

之前成日見到有朋友嚟飲，今日終於嚟到銅鑼灣有機會試吓。其實真係有少少難搵路上黎，但個個朋友都讚，所以都決定試試！一入門口，已經有洗手間俾你洗手，非常注意衛生。由於係平日嘅下午茶時間，所以就唔係好多人，可以自由揀位坐。揀左喺窗邊位置高枱望街境，感覺好舒服。一向只係鍾意熱咖啡，不過朋友推薦過expresso tonic 好正，今日天氣咁熱所以就試左呢杯凍飲。咖啡拎黎嘅時候店員有介紹點樣去品嚐，非常之細心。而杯咖啡都好驚喜，無稔過咁match! 靜靜地喺度嘆杯咖啡過一個舒服嘅下午，感覺好慢活。下次會試埋佢嘅野食！