牧羊少年咖啡館 (已結業)

［weekend的文青生活］平日日忙夜忙，工作已經佔據左好大部份嘅時間。放工後要花幾個鐘睇下書都唔係咁容易。所以一到左weekend,就好想完完全全咁放低工作，拎番起本書，比番啲營養個腦。牧羊少年有好幾間分店，間間都好有特色。荃灣呢間喺大會堂入面，下午黎到人唔係好多，門口就可以自助點餐，話比店員知坐邊張枱就可以。餐具，水都係自助嘅。餐廳入面有好幾個書架，冇帶自己嘅書黎都可以隨便揀一本黎睇。食物方面，叫左個八爪魚水果藜麥沙律，飲cappuccino。沙律黎到，完完全全係特杯茶，夠晒大份，而且配料十足，一啲都唔馬虎。水果方面有好幾舊桃，提子。加上八爪魚都好鮮甜，仲有沙律菜、番茄仔、杏仁、大洋蔥，坐部野夾埋口感一流，脆脆地又夠清爽，仲有水果嘅甜味，一個下午未必睇得晒一本書，揀啲小品就完美喇！