小桃咖啡室 (已結業)

銅鑼灣呢度有一間比較隱蔽嘅咖啡室，隱藏於熱鬧繁華嘅夜市，要上大厦嘅二樓先會見到。同朋友黎呢度感受下慢活嘅生活，邊食邊傾計，好正。呢度環境超級優美，中可以邊食邊望住對出嘅大樓，放鬆心情。呢杯粉紅白雪，口感超滑溜，啖啖棉花糖咁嘅感覺，上面一層好似泡沫咁，下面就係奶昔，全杯都散發着好香嘅草莓味，顏色好靚，上層係深深粉，奶昔部分係淡粉。卡邦尼白菌煙肉意粉，成碟嘅賣相都好吸引，各種餐色配搭相宜，聞落好香，意粉好爽滑，醬汁香濃，而且好creamy，上面嘅煙肉咸咸地，襯番成個意粉，味美但唔腻，真心比like甜品係精緻嘅泡芙雪糕係是日甜品，六粒細細嘅泡芙比cream包圍住，頂端中有一粒藍莓做點綴，隔離嘅士多啤梨超甜，食一啖泡芙，入口即溶，雪糕凍冰冰，配埋外皮好好味，表面嘅醬汁除左用作做點綴，味道配搭得岩岩好。