影片
更多
2019-04-14
646 瀏覽
星期日夜晚同朋友一齊喺尖沙咀行街，行左一陣大家都又攰又肚餓。尖沙咀出名多野食，適逢今日橫風橫雨，朋友就話想食火鍋暖下身，所以就出發去搵好味既火鍋料理 😋「養心殿」店內放滿中式典雅既擺設，宮殿氣氛濃厚，彷如回到古代皇室大殿。食物既款式的確係好多😋 有一張係主菜單，一本餐牌，圖文並茂。其中主菜單係中英對照，照顧不同食客既需要 😎另外仲有一份飲料餐牌，有汽水、沙冰同埋各種酒精類飲品🍸枱面已經放好一套餐具、濕紙巾、一對食用筷子、一對火鍋專用筷子同埋火鍋湯匙另外仲有多款配料俾大家自行選擇醬油既味道，我個人比較中意蒜同埋辣椒，亦都加左香蔥同埋辣椒油 🌶養生鍋 $188養生鍋用左名貴藥材同人參慢煮而成，亦用左火腿、老雞及豬肉肴製。不過鍋內就冇見到火腿等等既食材，可能只用黎肴湯調味。個鍋好大個，入面係原汁原味既火鍋湯，未落任何食物之前，店員就叫我地先飲下呢個湯。可以試到佢既鮮味🍲 養生湯好滋潤，飲落好濃郁，鮮甜清新👍🏼鹽酥雞 $58鹽酥雞酥脆飄香，咔滋咔滋既外皮，融化喺口中軟嫩多汁既滋味，加上香噴噴既胡椒鹽，果然係遠近馳名既台灣特色小食。雪花肥牛 🐮 $188重頭戲雪花肥牛出現喇，呢碟肥牛切得好薄，所
「養心殿」店內放滿中式典雅既擺設，宮殿氣氛濃厚，彷如回到古代皇室大殿。
食物既款式的確係好多😋 有一張係主菜單，一本餐牌，圖文並茂。其中主菜單係中英對照，照顧不同食客既需要 😎另外仲有一份飲料餐牌，有汽水、沙冰同埋各種酒精類飲品🍸
枱面已經放好一套餐具、濕紙巾、一對食用筷子、一對火鍋專用筷子同埋火鍋湯匙
另外仲有多款配料俾大家自行選擇醬油既味道，我個人比較中意蒜同埋辣椒，亦都加左香蔥同埋辣椒油 🌶
養生鍋 $188
養生鍋用左名貴藥材同人參慢煮而成，亦用左火腿、老雞及豬肉肴製。不過鍋內就冇見到火腿等等既食材，可能只用黎肴湯調味。
個鍋好大個，入面係原汁原味既火鍋湯，未落任何食物之前，店員就叫我地先飲下呢個湯。可以試到佢既鮮味🍲 養生湯好滋潤，飲落好濃郁，鮮甜清新👍🏼
鹽酥雞 $58
鹽酥雞酥脆飄香，咔滋咔滋既外皮，融化喺口中軟嫩多汁既滋味，加上香噴噴既胡椒鹽，果然係遠近馳名既台灣特色小食。
雪花肥牛 🐮 $188
重頭戲雪花肥牛出現喇，呢碟肥牛切得好薄，所以非常易熟。我地放左佢落鍋一分鐘 就已經食得 😋 牛肉既味道好鮮美 食到我地lam lam 脷
餃子拼盤 $ 118
餃子拼盤包括自家製極品水餃、鮮蝦雲吞、水蓮餃、韭菜水餃、麻辣牛肉餃同魚皮餃🥟，每款各兩隻。其中鮮蝦雲吞同埋麻辣牛肉餃都好唔錯，皮薄餡靚，每一種口味都各具特色。
清湯牛腩件 $118
牛腩件非常腍，我地同筷子夾起一陣就碎，入口非常嫩滑，而且一啲都唔羶，只有濃郁既牛肉香氣，真係一試難忘，連朋友都讚不絕口。用料上乘就不在話下，但我對佢地既烹煮方式十分好奇。因為牛肉雖然好腍，但一啲都唔老，牛腩件表面仲睇到有半熟既效果。呢啲就係佢地吸引食客既秘訣吧 😋
生蠔 $138
呢款蠔都幾肥美鮮甜，我地放入鍋數分鐘就熟透。我地一啖將佢擺左落口，整個口腔都充滿住生蠔既鮮味，就算熟左佢都仲帶有少少海水既味道，食完令人回味無窮😋
鮮蝦滑 $88
鮮蝦滑係當晚其中一樣最正既食物，佢雖然分量好少，但貴精不貴多。鮮蝦滑名副其實咁香滑，配上蟹籽，美味彈牙 🦐
今晚真係超滿足，連朋友都大讚好味，服務員態度親切和藹，係唔錯既聚會地點～
張貼
