On Time Coffee & Kitchen (已結業)

喺上環返工有個好處，就係周圍都係Cafe。蘇杭街成條街匯集左唔同類型既餐廳，選擇好多，上網見到呢間鋪頭係黃店，加上好多人都話佢好食，偶爾都想獎勵下自己，今日就食好少少。我叫咗個鴨胸意大利粉，加$25嘅話仲可以配薯條或者沙律同埋一杯飲品。先講咗個意粉，佢煮得好惹味，但唔係鹹，佢除左用左洋蔥，仲放左d露荀入去，意粉嘅口感都好好，唔會過硬或者過淋。飲品方面我就叫咗焙茶latte，佢拉咗個貓頭鷹嘅花好得意呀，而且烘茶味都重，但唔會覺得係澀既，奶同茶味嘅比例都好均勻，好有驚喜，賣相同味道一流！