慢煮工業 (已結業)

一個星期又完結啦, 朋友帶我到慢煮工業慢活一下。粉紅色的門口係整條街當中頗為特出。環境裝修得好有工業風。座位不算多，雖然我地到達餐廳已經係下午2點，但餐廳仍然爆場，所以想食的話預早book位比較好。餐廳係慢煮工業，出餐都會慢一點，放假係應該慢活的，所以大家都願意有耐性地等一下。所謂慢工出細貨。今日星期六都有lunch set 選擇。我地3 個女仔選擇了3 個sets share 食。1) 全日早餐($128)，但有西冷扒, 2塊薯餅, 焗豆, 大啡菇, 炒蛋, 蕃茄沙律同2塊蜜糖多士。睇價錢比外面食開的貴，但有大大塊西冷扒就覺得值啦，西冷煎得到八成熟，岩晒我。薯餅係我至愛，岩岩炸起，更香脆。大啡菇好juicy，配合芝士香草一齊燒，更惹味。全日早餐份量好大, 最岩大家開心share。2) 醬燒豬仔骨配薯容($68), 大家覺得$68 的醬燒骨份量應該不會太大，最後上枱大家都頗為驚訝，有5條骨咁多，豬仔骨燒得好淋身, 一切D肉已經離骨，醃得入味，配角薯容都煮得好滑身，配上蜜糖原來幾好味的。3) 三文魚青蘋果沙律 ($58)，食左咁多肉，需要食返沙律平衡一下。沙律配上黑醋橄欖油，酸酸的，很開