SOUTH LANE (南里)

營業中

休息中

位於西環石塘咀有間休閒寫意嘅cafe，室內座位位置寬敞舒服，入到餐廳會感到好放鬆。海鮮喇沙以自家製嘅湯底，食落味道感覺比較舒服，唔會有過濃過搶喉嘅味道，椰香濃郁，口感亦都夠滑。各款海鮮都有，魚同蝦嘅鮮味都十分平衡互相輝映。半隻香烤澳洲走地雞配香蒜薯條焗嘅時間真係啱啱好，外皮非常香脆，最大程度保留到肉汁。而雞肉嘅味道濃郁無雪味，口感亦都緊致彈牙。香蒜薯條真係好驚喜，令到薯條本來夠香口，仲可以更加惹味。薯仔菠菜白汁焗有機蛋真係十分之健康之選，完全可以滿足哂時下唔食精緻碳水嘅朋友，焗嘅菜式又唔會獨多油，有機蛋嘅蛋黃味更濃，菠菜又帶出少少蔬菜嘅甜味，薯仔條做底夠哂飽肚又吸收哂所有材料嘅味。飲品叫咗杯mocha 同埋Smoothie Dragon Berry外貌好靚，而且材料非常豐富，包括藍莓、香蕉、紅火龍果、有機奇亞籽，椰子乳酪，椰子片 +燕麥奶。