慢煮工業 (已結業)

慢煮工業見到有新開嘅特色小食亭，仲用慢煮黎做特色，就拿拿臨去試下。去到真係零零捨捨得一個亭仔，有好多人都等緊試新野。同朋友叫左一份慢煮8小時嘅牛肉芝士三文治，慢煮8小時雞肉三文治，一份芝士流心大啡蘑同慢煮48小時英式牛仔骨加薯條。慢煮咁耐嘅野都係等左只不過10分鐘左右，而且只有兩個人幫手，出菜都算幾快。慢煮嘅肉果然係非同小可，肉質鮮嫩多汁，彈牙且軟熟，加上熱溶左嘅芝士真係一流。三文治入邊嘅生菜都得不提，好新鮮同爽，係超級市場買唔到呢啲生菜食。另外個大啡蘑非常juicy，推薦大家去一定要試，中間一個流心蛋配起芝士，又熱又多汁，食到成嘴都係，大家食嘅時候小心爆汁。牛仔骨比起安格斯牛肉更出色，48小時慢煮真係唔係講笑，用$48黎食一份牛仔骨以為係普通貨仔嘅你就大錯特錯啦。牛非常腍但唔會無彈性，真空煮出黎嘅係特別好食，雖然份量係較少，但素質都足夠答你係絕對值得去一食。不過記得係無乜位架，小食亭得兩個位，不過側邊有位坐嘅，唔洗擔心。