影片
更多
2018-08-12
87 瀏覽
之前同朋友食過太子道西嗰間覺得幾好味，於是今次就黎呢間，貪佢有pizza又有pasta可以揀，而且openrice 買現金劵又有85折，$85 可以買到$100現金劵，不過要留意返，一人限用一張，即係兩個人就可以用兩張，而且仲要喺用之前一日打電話去話俾佢地知當日會用先得，其實我就唔係好明，都係當現金用架啦，點解要咁麻煩呢…芝士煙肉薯條拼蕃薯條賣相吸引，至於個味道，薯條其實就好難唔好食既，但可惜唔夠熱，薯條係淋晒，芝士亦已經乾左，只有中間既薯條係有一大堆芝士，食到最後其他薯條都已經無芝士，要點茄汁食。煙三文魚柚子菠菜沙律沙律新鮮但煙三文魚數量比較少而且細條，如果多返少少或大塊少少就好啲。威靈頓牛柳(10安士)（期間限定，最好打電話預訂)賣相唔錯而且好香，一黎到已經切開左一半，我地五個人食所以諗住再切開，但本身把刀唔夠利，所以同侍應講叫廚房幫手切。酥皮包住野菌同牛柳，牛柳味濃多汁，但牛柳有少少韌，酥皮亦唔夠鬆化，但野菌就幾好食。我今次係第一次食威靈頓牛柳，唔覺得真係好似人地講咁好食，但可以一試，因為$188都幾抵。龍蝦汁香蒜大蝦扁意粉好香既蒜味，意粉煙韌，蝦肉都彈牙同大隻，都算唔錯，但食唔
芝士煙肉薯條拼蕃薯條賣相吸引，至於個味道，薯條其實就好難唔好食既，但可惜唔夠熱，薯條係淋晒，芝士亦已經乾左，只有中間既薯條係有一大堆芝士，食到最後其他薯條都已經無芝士，要點茄汁食。
煙三文魚柚子菠菜沙律沙律新鮮但煙三文魚數量比較少而且細條，如果多返少少或大塊少少就好啲。
威靈頓牛柳(10安士)（期間限定，最好打電話預訂)賣相唔錯而且好香，一黎到已經切開左一半，我地五個人食所以諗住再切開，但本身把刀唔夠利，所以同侍應講叫廚房幫手切。酥皮包住野菌同牛柳，牛柳味濃多汁，但牛柳有少少韌，酥皮亦唔夠鬆化，但野菌就幾好食。我今次係第一次食威靈頓牛柳，唔覺得真係好似人地講咁好食，但可以一試，因為$188都幾抵。
龍蝦汁香蒜大蝦扁意粉好香既蒜味，意粉煙韌，蝦肉都彈牙同大隻，都算唔錯，但食唔出有龍蝦汁。
BBQ delight 燒烤盤燒烤盤有半隻烤春雞、美式豬仔骨、粟米、蕃茄仔、椰菜沙律同薯角。
最欣賞美式豬仔骨，因為整得夠淋而且唔會乾，表面既醬汁亦都幾好味，而烤春雞肉質亦嫩滑多汁，配埋蕃茄仔一齊食都好夾。
BBQ醬雞肉雜菌薄餅呢個幾好味，BBQ醬唔會多到令個餅底淋晒，而且口感好豐富，材料好足，正!
整體黎講，食物質素都幾好，價錢都合理，可惜服務普通，一黎人手少，二黎有個侍應好似發緊夢咁，叫幾次先應，問佢拎個外賣盒，轉個頭佢又唔記得…不過值得欣賞既係呢度無限時，真係好適合同朋友一路食、一路飲、一路吹水。
張貼
